Galmudug oo faah faahin ka bixisay arrin dhawaan ka dhacday Gaalkacyo

Dowlad goboleedka Galmudug ee Soomaaliya ayaa sheegtay in 14-kii bishaan July magaalada Gaalkacyo ee gobolka Mudug lagu qabtey dareeska milatariga Soomaaliya oo gaaraya 200 ilaa 250 joog.

Dareeskaas ayaa waxaa laga soo qaaday magaalada Boosaaso, waxaana la rumeysan yahay in loo wadey maliishiyaadka argagixisada Al Shabaab ee degaanka Xarardheere.

Madaxweyne ku-xigeenka dowlad goboleedka Galmudug , Mudane Maxamed Xaashi Cabdi ayaa ku ammaanay ciidanka amniga Galmudug hawlgalka ay ku soo qabteen dharkan.

Madaxweyne ku-xigeenka ayaa ka codsadey dowladda federaalka Soomaaliya inay soo dhisto guddi soo baara arintan, guddigaasna uu ka yimàado Wasaaradaha Gaaashandhigga iyo Amniga ee DFS, iyo maamul goboleedyada Galmudug iyo Puntland.

Dowlad goboleedka Galmudug ayaa dagaal adag kula jira argagixisada Al Shabaab, waxaana ka go’an ciribtirka kooxdan nabad diidka ah.

DHAMAAD

Wixii Faah-faahin ah kala xiriir
Md. Maxamuud Aadan Cusmaan
Wasiirka Warfaafinta Hanuuninta Dhaqanka iyo Dalxiiska
Dowlad Goboleedka GalMudug ee Soomaaliya
E-mail: mesagaway2@gmail.com
Tel: +25261562950

error: Content is protected !!