Faah faahin:- Qarax galabta ka dhacay maqaayad ku taala deegaanka Buurane (DHAGEYSO)

Waxaa faah faahin dheeraad ah laga helayaa qarax qasaare geystay oo gelinkii dambe maanta ka dhacay goob maqaayad ah oo ku taala deegaanka Buurane oo hoos-timaada degmada Mahadaay ee gobolka Sh/dhexe.

Qaraxaasi oo ahaa miino lagu aasay maqaayadda ayaa la sheegayaa inay ku dhaawacantay 7 qof oo mid ka mid ah uu yahay askari ka tirsan ciidanka dowladda federaalka Soomaaliya.

Gudoomiye ku-xigeenka arrimaha bulshada ee degmada Mahadaay Saalax Xaaji oo la hadlay warbaahinta ayaa u xaqiijiyay in 7 qof ay ku dhaawacantay qaraxaasi.

Dadkaasi dhaawacmay ayuu guddomiye ku-xigeenku sheegay in loo qaaday isbitaalka ku yaala magaalada Jowhar, si halkaasi xaaladooda caafimaad loola tacaalo.

Dhinaca kale, ciidanka dowladda federaalka Soomaaliya ayaa haatan howlgal aad u xoogan ka wadda xaafadaha ku yaala degmada Mahadaay ee gobolka Sh/dhexe, wuxuuna howlgalkaasi yahay mid lagu raad-joogo raggii ka dambeeyay falka qaraxa ah.

error: Content is protected !!