Wafdi uu hoggaaminaayo madaxweyne Gaas oo maanta u amba-baxay magaalada London (SAWIRO)

Wafdi uu hoggaaminaayo madaxweynaha maamulka Puntland C/weli Maxamed Cali Gaas ayaa maanta u amba-baxay magaalada London ee caasimadda dalka UK, halkaasi oo 11-ka bishaan May ka furmi doonno shir looga hadlaayo arrimaha Soomaaliya.

Madaxweyne Gaas ayaa inta aanu ka dhoofin garoonka magaalada Gaalkacyo kahor wuxuu la hadlay warbaahinta, wuxuuna u sheegay inuu haatan sii mari doonno magaalada Nairobi, kadibna uu usii gudbi doonno magaalada London, si uu uga qeyb-galo shirka halkaasi ka furman doonno.

Sidoo kale, shirkaasi ayaa waxaa kasoo qeyb-gali doonno madaxdda dowladda federaalka Soomaaliya iyo kuwa maamul goboleedyadda kale ee dalka ka jira, wuxuuna shirkaasi noqon doonnaa mid looga hadlaayo arrimo ay ka mid yihiin dib u dhiska ciidan qaran iyo horumarinta dalka Soomaaliya.

“Waxaan haatan u dhoofayaa magaalada Nairobi ee caasimadda dalka Kenya, halkaas ayaan uga sii gudbi doonnaa magaalada London, si aan uga qeyb galo shirkii Soomaalida ee halkaasi lagu qabanaayo 11-ka bishaan May, waxaan rajeynayaa inuu shirkaasi noqdo shir ka duwan¬†shirarkii hore ee la isugu tagi jiray dalalka kale” Sidaas waxaa yiri madaxweyne Gaas.

Dhinaca kale, madaxweyne Gaas ayaa sheegay in sababta shirkaan u rajeeynayo inuu uga duwanado shirarkii hore ay tahay in shirkaan muhiimadiisa ay noqon doonto in Soomaaliya loo helo ciidan qaran iyo in la helo dhaqaale lagu hormariyo ciidankaas.

“Sababta aan u rajeeynayo inuu shirkaan uga duwanaado shirarkii hore ayaa waxa tahay marka hore muhiimada uu maanta shirkaasi leeyahay shirkaasi, taas oo ay tahay in lahelo ciidan qaran iyo in lahelo dib u dhis hormar dhaqaale oo dalka loo sameeyo, si loo dhaqaajiyo nabad-gelyadii iyo horumarkiiba, waxaan ka filaynaa shirkaasi inuu noqdo mid wax weyn ka bedela dhaqaalaha iyo amniga ee dalka Soomaaliya” Ayuu hadalkiisa raaciyay madaxweyne Gaas.

11-ka bishaan May ayaa la filayaa in magaalada London ee caasimadda dalka UK uu ka furmo shir ay kasoo qeyb-gali doonnaan madaxda dowladda federaalka Soomaaliya iyo kuwa maamul goboleedyadda dalka ka jira, waxaana shirkaasi diiradda lagu saari doonnaa arrimaha horumarineed ee Soomaaliya.

error: Content is protected !!