Madaxweynaha oo magacaabay agaasime ku-xigeenka cusub ee madaxtooyadda

Madaxweynaha Jamhuuriyadda Federaalka Soomaaliya Mudane Maxamed C/laahi Farmaajo ayaa agaasime ku-xigeenka cusub ee xarunta madaxtooyadda Soomaaliya u magacaabay C/laahi Aadan Kulmiye.

C/laahi Aadan Kulmiye oo aan la ogeyn shaqada uu ka qaban doonno xarunta madaxtooyadda ayaa la sheegayaa inuu u dhaxeyn doonno labada agaasime ee Abuukar Baalle iyo ku-xigeenkiiisa C/risaaq Shoole oo muddooyinkii ugu dambeysay ka dhaxeeysay loolan dhinaca awoodda ah.

C/risaaq Shoole ayaa la sheegaa inuu saaxiibo dhaw la yahay ragga ugu waaweyn ee maamulka madaxweyne Farmaajo, waxayna magacaabista C/laahi Aadan Kulmiye yareyn doontaa awoodda uu ku leeyahay madaxtooyadda Soomaaliya.

Madaxweyne Farmaajo ayaa tan iyo markii uu awoodda dalka la wareegay waxa uu is-bedel aan caadi ahayn ku sameeyay hanaanka maamuleed ee madaxtooyadda, iyadoona tan iyo xilligaasi uu wada bedelay dhamaan maamulkii hore ee lasoo shaqeeyay madaxweynihii hore ee Soomaaliya Xasan Sheekh Maxamuud.

error: Content is protected !!