Waxaa saacadaha soo socda lagu wadaa in Teendhada xarunta Afisiyooni ee magaalada Muqdisho ay ka bilaabato doorashada xilka madaxweynaha 10-aad ee dowladda federaalka Soomaaliya, oo ay ku tartami doonaan musharrixiin gaaraya illaa 35 musharax.
Ammaanka guud ee magaalada Muqdisho ayaa aad loo adkeeyay, waxaana habeenkii xalay dhaqan galay Bandow ay ciidanka booliska Soomaaliyeed kusoo rogeen gebi ahaan magaalada, iyadoo la hakiyay dhammaan isku socodka gaadiidka iyo dadweynaha ee ka jiray magaalada.
Xildhibaannada labada Aqal ee baarlamaanka federaalka Soomaaliya oo ka kooban 329 xildhibaan ayaa la filayaa in saacadaha soo socdo ay soo gaaraan Teendhada xarunta Afisyooni ee magaalada Muqdisho, si ay u doortaan musharaxa hoggaamin doonna dalka afarta sano ee soo socota.
Dhinaca kale, guddiga doorashada dalka ayaa soo saaray habraaca amniga doorashada ee maanta dhaceeysa, waxayna sheegeen in gudaha howlka ay doorashada ka dhaceeyso aan lala geli karin telefoon, lacag iyo wax kasta oo electronic ah, waxaana musharax kasta loo ogolaaday inuu howlka lasoo gali karo illaa saddex qof oo kaliya.
Sidoo kale, goobta ay doorashadu ka dhacayso ayaa waxaa lagu casuumay qaar ka mid ah Beesha caalamka iyo diblomaasiyiin badan, waxaana doorashada maanta ku tartami doonna musharixiinta kala ah:-
1: Maxamed C/laahi Farmaajo
2: Sheekh Shariif Sheekh Axmed
3: Xasan Cali Kheyre
4:- Xasan Sheekh Maxamuud
5: C/raxmaan C/shakuur Warsame
6: Saciid C/laaih Maxamed (Deni)
7: Thaabit Cabdi Maxamed
8: Mukhtaar Maxamed Sayid
9: Mahad Axmed Diiriye
10: Cumar C/qaadir Axmed Fiqi
11: Jamaal Axmed Ibraahim (Tifoow)
12: Maxamuud Daahir Aweys
13: Xuseen Cabdi Nuunow
14: Axmed Ducaale Geelle (Xaaf)
15: Ridwan Xersi Maxamed
16: Maxamed Amiin Faarax
17: Saciid Ciise Maxamuud
18: Nucmaan Sheek Cumar Cismaan
19: Cusmaan Xasan Weheliye
20: Sakariye Maxamuud Xaaji Cabdi
21: Cabdi Aadan Hoosow
22: Cabdi Cali Xassan
23: Cabdi Maxamed Kuusow
24: C/naasir Cabdulle Maxamed
25: C/nuur Sheekh Maxamed Maxamuud
26: C/raxmaan Macalin Axmed Maxamed (Ablaal)
27: C/raxman Maxamed Cabdi Xaashi
28: C/qaadir Xuseen Maxamed (Jaahwayn)
29: C/qaadir Cosoble Cali
30: C/qaadir Sheekh Cali Ibraahim (Baqdaadi)
31: C/laahi Cali Axmed
32: C/laahi Cali Xasan
33: Abuukar Aadan Cabdulle
34: Bashir Xaaji Cali
35: Fowziya Yuusuf Xaaji Aadan
Illaa 39 musharax ayaa hore isku diiwaan gelisay, balse illaa afar musharax ayaa doorashada isaga hartay.