Ra’iisul wasaaraha KMG ee xukuumadda federaalka Soomaaliya Maxamed Xuseen Rooble ayaa maanta magacaabay guddi ka shaqeeya amniga munaasabadda caleemo saarka madaxweynaha Soomaaliya Xasan Sheekh Maxamuud oo la filayo in 9-ka bisha June lagu qabto magaalada Muqdisho.
Guddigaan oo ka kooban illaa 7 xubnood ayaa isugu jira wasiiro iyo taliyeyaal ciidan, waxaana guddigaasi guddoominaya wasiirka amniga Qaranka ee xukuumadda federaalka Soomaaliya C/laahi Maxamed Nuur.
Qoraal kasoo baxay xafiiska ra’iisul wasaare Rooble ayaa xubnaha guddiga lagu faray inay si hufan u gutaan waajibaadkooda shaqo islamarkaana ay adkeeyaan amniga guud dalka, gaar ahaan amniga munaasabadda xilliga caleemo saarka ee madaxweynaha Soomaaliya.
