Wareegto maanta kasoo baxday xafiiska ra’iisul wasaaraha xukuumadda federaalka Soomaaliya Xamse Cabdi Barre ayaa lagu magacaabay xoghayaha joogtada ah ee xafiiskiisa, La-taliyeyaashiisa, afhayeenkiisa iyo xilal kale oo kala duwan.
Ra’iisul wasaare Xamse ayaa xoghayaha joogtada ah ee xafiiskiisa u magacaabay Maxamed Abuukar Zubeyr, isagoona u mahad-celiyay xoghayihii hore ee xafiiska Maxamed Ibraahim Nuur.
Sidoo kale, ra’iisul wasaare Xamse ayaa afhayeenkiisa iyo agaasimaha warbaahinta u magacaabay Farxaan Maxamed Jimcaale oo ah wariye ka tirsan idaacadda BBC-da.
Hoos ka aqriso xilalka uu maanta magacaabay ra’iisul wasaare Xamse Cabdi Barre.
1- Xoghayaha joogtada ah ee xafiiska ra’iisul wasaaraha – Maxamed Abuukar Zubeyr
2- La-taliyiha arrimaha dib u heshiisiinta – Cali Cabdi Awaare
3- La-taliyaha amniga ra’iisul wasaaraha – Kamaal Guutaale
4- La-taliyaha xiriirka caalamiga- Dr. Hodan Cismaan
5- La-taliyaha sare ee arrimaha siyaasadda iyo iskuduwaha barnaamijyada – Dr. Axmednuur Maxamed Cabdi
6- Afhayeenka ra’iisul wasaaraha ahna aggaasimaha warbaahinta iyo xiriirka caalamiga – Farxaan Maxamed Jimcaale.
7- Agaasimaha maamulka iyo maaliyadda – Haashim Maxamed Cali
8- Agaamisaha hab-maamuuska xafiiska ra’iisul wasaaraha – C/laahi Shariif Cabdi
